MUONGO HAAMINIKI HATA AKISEMA UKWELI


Kulikuwa na kijana mmoja akichunga Kondoo wa kijiji juu ya kilima. Yule Kijana akajilaza juu ya kilima hiko akiwa amechoka na kuboreka  baada ya kuchunga wale kondoo kwa muda mrefu siku hiyo. Hivyo akafikiria kufanya kitu kitakacho mchangamsha.  
Akavuta pumzi  kuubwa na kupiga kelele, “Simba! Simba! Simba!  Huku akiwafukuza wale kondoo.
Wanakijiji walikuja wakikimbia juu ya kilima ili kumsaidia yule kijana. Lakini walipofika juu, hawakukuta simba.  Yule kijana aliwacheka mbele ya nyuso zao zilizo jaa hasira.
Wale wanakijiji wakamwambia yule kujana "Usipige kelele za Simba wakati hakuna Simba !", Wakashuka chini ya mlima huku wamekasirika.
Baadaye, kijana huyo alipiga kelele za simba tena, "Simba! Simba anakimbiza kondoo!” Kwa furaha yake mbaya, aliwaangalia wanakijiji wakipanda tena kile kilima ili kumsaidia kufukuza Simba.
Wanakijiji walipofika juu pasi na kuona Simba, wakasema kwa ukali, "Piga kelele za kuomba msaada wakati kuna kitu cha Hatari kweli! Usipige kelele za ‘Simba’ wakati hakuna Simba!"
Lakini Yule mvulana alidharau na kucheka wakati wanakijiji wakishuka chini ya kilima kwa hasira.
Baadaye, aliona Simba wa kweli akinyemelea Kundi la kondoo kule kilimani. Yule kijana alichanganyikiwa na kuanza kupiga kelele kwa nguvu na sauti kubwa kuliko awali, “Simba! Simba! Simba!”
Lakini wanakijiji walidhani alikuwa anajaribu kuwadanganya tena, na hivyo hawakuenda kutoa msaada.
Jua lilipozama, kila mtu alijiuliza kwa nini mvulana huyo mchungaji hakurudi kijiji na kondoo wao. Walipanda kilima ili kumtafuta. Hatimae wakamkuta akilia.
"Simba alikuja hapa kweli! Kondoo wote wametawanyika!" Nililia, "Simba!" Kwa nini humkuja kunisaidia? "
Mzee mmoja alijaribu kumfariji yule kijana wakati  wanaludi kijijini.
"Tutakusaidia kutafuta kondoo waliopotea kesho asubuhi," alimwambia, uku akizungusha mkono wake juu ya bega la yule kijana, "Hakuna mtu anayemuamini mwongo .. hata pale anaposema ukweli!"

Comments

Post a Comment

Popular posts from this blog

NANI ATAMFUNGA PAKA KENGERE?

Kulikuwa na duka Kuubwa la Vyakula na Vinywaji katika mji. Panya Wengi waliishi katika   duka hilo la vyakula na vinywaji. Chakula kilikuwa ni kingi sana kwa ajili yao. Walikula kila kitu na kuharibu mifuko yote ya vyakula. Waliharibu pia mikate, biskuti na matunda ya duka. Mwenye duka alishikwa na wasiwasi kweli. Hivyo, yeye alipata wazo "mimi lazima ninunue paka na atakaa humu ndani ya hili duka. Kufanya hivo naweza kuokoa mambo yangu." Alimnunua Paka mmoja mzuri, mkubwa na kisha kumwacha pale. Paka alikuwa na wakati mzuri wa kuwinda panya na kuwaua. Panya hawakuweza kuzunguka kwa uhuru sasa. Waliogopa kwamba wakati wowote paka ange wakamata na kuwala. Panya walitaka kufanya kitu fulani. Wakaitisha mkutano na wote wakasema "Ni lazima kujikwamua na paka. Je, kuna mtu ana maoni?" Panya wote wameketi na kuogopa. panya mmoja mwelevu alisimama na akasema, "paka hatembea kwa upole. Hilo ni tatizo. Kama tunaweza kumfunga kenge...
Read more

WANYAMA NA TABIA ZA BINADAMU

Image
Habari zenu ndugu wapenzi wa Hekimastories, Leo nimeamua kuleta kitu kingine tofauti na stori kama tulivozoea, katika soma soma vitabu mbalimbali nilipata kitu amabacho nilipenda kukileta hapa kwenye blog ili niweze kugawana maarifa na ndugu zangu popote pale mlipo. Dunia imeumbwa na vivutio vingi sana, vingi vizuri na vinapendeza, ikiwemo Milima, Mito, Bahari, Wanyama, Misitu na vingine vingi siwezi vimaliza. Lakini hivi vitu ijapokua ni vizuri kwa kuvitazama lakini pia vinamafunzo makubwa sana kwenye maisha yetu ya kila siku kama ukivichunguza kiundani. Hivyo basi ningependa kukupa fursa hii kutulia japo kwa dakika tano tu, chagua kitu chochote kile unachokipenda katika dunia hii, tuliza mawazo yako, kua mtulivu iweke picha ya iko kitu ndani ya mwili wako alafu fikiri kwa utulivu inakueleza nini katika maisha yako ya kila siku. Ni zoezi fupi lakini kama utakua ukifanya kila siku utaona jinsi mambo yako yatakavyo kuwa marahisi na kunyooka. Mimi leo nilitaka tujadili kuhusu  t...
Read more