TENDA WEMA UENDE ZAKO

Daktari aliingia hospitalini kwa haraka sana baada ya kuitwa kwa shughuli ya Upasuaji wa haraka. Aliingia chumba cha kubadilisha Mavazi na kuvaa nguo za kazi na kuelekea  moja kwa moja kwenye chumba cha upasuaji.

Wakati akielekea kwenye chumba cha upasuaji alimkuta Baba Mmoja anazunguka huku na huku karibu na chumba cha upasuaji akimsubiria Daktari. Baada ya kumuona tu, Yule Baba akapayuka: “ Kwanini umechelewa kuja? Hufahamu kama maisha ya Mtoto wangu yapo hatarini? Hivi unayajua majukumu yako?”

Yule Daktari alitabasamu na kumwambia: “ Samahani sana, Sikuwa Karibu na Hospitali na nimejitahidi kuja kwa haraka sana baada ya kupokea simu kutoka hapa hospitalini….. Na kwakuwa nimeshafika ningekuomba upunguze Jaziba na hasira ili nifanye shughuli yangu”

“ Punguza hasira?! Hivi ingekuwaje Mwanao ndiye angekuwa chumba cha upasuaji sasa hivi, ungeweza kupunguza hasira? Kama mwanao ndie anakufa sasa hivi ungefanyaje?” Yule Baba aliongea kwa hasira sana.

Yule Daktari alitabasamu tena na kumjibu: “ ningesema kama vitabu vinavotuambia tuseme, “ tumeumbwa kwa vumbi na tutaondoka kwa Vumbi, Jina la Mwenyezi Mungu Litukuzwe”.  Dactari hawezi kurefusha maisha ya Binadamu. Nenda katulie na umuombee mwanao, sisi tutajitahidi kadri kwa uwezo tulionao kwa Baraka za M.Mungu”

“ Kutoa Ushauri kwa vitu visivyo wahusu ni rahisi sana”  Alinong’ona Yule Baba mwenye mtoto mgonjwa.

Upasuaji ulifanyika kwa Masaa kadhaa mara tu baada ya kumalizika Daktari alitoka akiwa anafuraha, “ Asante Mungu! Mtoto wako tumeweza kumponya!”  Kama una swali lolote utamuuliza Nesi!!” Bila ya kumsikia Baba Mwenye mtoto kujibu chochote aliondoka kwa haraka kwenye eneo la upasuaji.

“ Kwa nini ni Mkorofi sana huyu Daktari? Yaani Hawezi hata kusubiri kidogo nimuulize maendeleo ya Mwanangu”  alimjadili akiwa na nurse baada ya Daktari kuondoka.

Nesi akamjibu, huku akitokwa na machozi: “ Mtoto wake alifariki jana kwenye ajari ya gari, hivyo alikuwa katika mazishi ya Mtoto wake wakati tunampigia simu aje hospitali kwa ajili ya Upasuaji wa Mtoto wako.  Amefanikiwa kuyaokoa maisha ya Mtoto wako, kwahiyo ameondoka kuwahi mazishi ya mtoto wake.”

Toleo la kwanza limeandikwa na ALLEGREI A. FERNANDO

HEKIMA:
“USI MUHUKUMU MTU YEYOTE…. SABABU HUYAJUI MAISHA YAO NA KIPI KILICHO WAKUTA KWENYE MAISHA YAO.
“ TENDA WEMA KADRI UWEZAVYO BILA YA KUJALI HALI ULIYONAYO”


Comments

Post a Comment

Popular posts from this blog

NANI ATAMFUNGA PAKA KENGERE?

Kulikuwa na duka Kuubwa la Vyakula na Vinywaji katika mji. Panya Wengi waliishi katika   duka hilo la vyakula na vinywaji. Chakula kilikuwa ni kingi sana kwa ajili yao. Walikula kila kitu na kuharibu mifuko yote ya vyakula. Waliharibu pia mikate, biskuti na matunda ya duka. Mwenye duka alishikwa na wasiwasi kweli. Hivyo, yeye alipata wazo "mimi lazima ninunue paka na atakaa humu ndani ya hili duka. Kufanya hivo naweza kuokoa mambo yangu." Alimnunua Paka mmoja mzuri, mkubwa na kisha kumwacha pale. Paka alikuwa na wakati mzuri wa kuwinda panya na kuwaua. Panya hawakuweza kuzunguka kwa uhuru sasa. Waliogopa kwamba wakati wowote paka ange wakamata na kuwala. Panya walitaka kufanya kitu fulani. Wakaitisha mkutano na wote wakasema "Ni lazima kujikwamua na paka. Je, kuna mtu ana maoni?" Panya wote wameketi na kuogopa. panya mmoja mwelevu alisimama na akasema, "paka hatembea kwa upole. Hilo ni tatizo. Kama tunaweza kumfunga kenge...
Read more

WANYAMA NA TABIA ZA BINADAMU

Image
Habari zenu ndugu wapenzi wa Hekimastories, Leo nimeamua kuleta kitu kingine tofauti na stori kama tulivozoea, katika soma soma vitabu mbalimbali nilipata kitu amabacho nilipenda kukileta hapa kwenye blog ili niweze kugawana maarifa na ndugu zangu popote pale mlipo. Dunia imeumbwa na vivutio vingi sana, vingi vizuri na vinapendeza, ikiwemo Milima, Mito, Bahari, Wanyama, Misitu na vingine vingi siwezi vimaliza. Lakini hivi vitu ijapokua ni vizuri kwa kuvitazama lakini pia vinamafunzo makubwa sana kwenye maisha yetu ya kila siku kama ukivichunguza kiundani. Hivyo basi ningependa kukupa fursa hii kutulia japo kwa dakika tano tu, chagua kitu chochote kile unachokipenda katika dunia hii, tuliza mawazo yako, kua mtulivu iweke picha ya iko kitu ndani ya mwili wako alafu fikiri kwa utulivu inakueleza nini katika maisha yako ya kila siku. Ni zoezi fupi lakini kama utakua ukifanya kila siku utaona jinsi mambo yako yatakavyo kuwa marahisi na kunyooka. Mimi leo nilitaka tujadili kuhusu  t...
Read more